मणिपूरमध्ये दोन आदिवासी महिलांची विवस्त्र धिंड काढण्यात आली आणि त्यांच्यावर सामूहिक अत्याचार केला असल्याची घटना समोर आली आहे. ही घटना 4 मे रोजी घडल्याची माहिती मिळत आहे. या घटनेने संपूर्ण देश हादरला आहे.

याच पार्श्वभूमीवर प्रणिती शिंदे यांनी प्रतिक्रिया दिली आहे. प्रणिती शिंदे म्हणाल्या की, काल जो व्हिडिओ व्हायरल झाला तो अंगावर शहारे आणणारा होता. ही खूप लाजिरवाणी गोष्ट आहे. जेव्हापासून मोदीजी या देशामध्ये आले तेव्हापासून त्यांची जी विचारसरणी आहे. जी महिलांच्या विरोधातली विचारसरणी आहे. हा फक्त मणिपूरचा विषय नाही आहे तर हा देशाच्या प्रतिमेचा विषय आहे. संसदेत मोदी या विषयावर बोलायला तयार नाही आहेत. विधानसभेत आम्ही या विषयावर बोलायला थोडावेळ मागितला. तर त्यांनी आम्हाला बोलू दिलं नाही. ही अतिशय लाजिरवाणी गोष्ट आहे. असे प्रणिती शिंदे म्हणाल्या.