नवी दिल्ली : मणिपूर हिंसाचारावर विरोधकांनी आणलेल्या अविश्वास प्रस्तावावरील चर्चेला आज पंतप्रधान नरेंद्र मोदी संसदेत उत्तर दिले आहे. यादरम्यान, मोदींनी विरोधकांवर जोरदार टीका केली. परंतु, पंतप्रधानांनी मणिपूरवर बोलण्याची मागणी करत विरोधकांनी सभात्याग केला. यानंतर अखेर पंतप्रधान मोदींनी मणिपूर घटनेवर भाष्य केले आहे.
ज्यांचा लोकशाहीवर विश्वास नाही. ते सांगण्यास तयार आहेत. पण ऐकायला तयार नाहीत. ते खोटे बोलून पळून जातात. यानंतर मोदी मणिपूरवर बोलले. गृहमंत्र्यांच्या चर्चेला विरोधकांनी सहमती दिली असती तर दीर्घ चर्चा होऊ शकली असती. मणिपूरवर नुसतीच चर्चा झाली तर गृहमंत्र्यांनी पत्र लिहिलं होतं, पण विरोधकांचा हेतू चर्चेचा नव्हता. त्याच्या पोटात दुखत होते. गृहमंत्र्यांनी मणिपूरमधील परिस्थितीचे तपशीलवार वर्णन केले आहे. मात्र विरोधकांना राजकारणाशिवाय दुसरे काही नाही, अशी टीका पंतप्रधानांनी विरोधकांवर केली आहे.
मणिपूरमध्ये न्यायालयाचा निर्णय आला. त्यांच्या बाजूने आणि विरोधाची परिस्थिती निर्माण झाली आणि हिंसाचाराचा काळ सुरू झाला. अनेकांनी आपले जवळचे प्रियजन गमावले, महिलांवर गुन्हे घडले. दोषींना कठोर शिक्षा व्हावी यासाठी केंद्र आणि राज्य सरकार प्रयत्नशील आहे. देशाला विश्वास असू द्या, मणिपूरमध्ये शांततेचा सूर्य नक्कीच उगवेल. मला मणिपूरच्या जनतेलाही सांगायचे आहे की, देश तुमच्यासोबत आहे, आम्ही तुमच्यासोबत आहोत, असा विश्वास त्यांनी दिला.
कच्छतेवु म्हणजे काय हे विरोधी पक्षांच्या नेत्यांनी सांगावे. द्रमुकचे लोक, त्यांचे मुख्यमंत्री मला पत्र लिहून कच्छतीवूला परत आणण्यास सांगतात. तामिळनाडूच्या पुढे, श्रीलंकेच्या आधी, ज्याने दुसऱ्या देशाला बेट दिले होते. तो भारत माताचा भाग नव्हता का? इंदिरा गांधींच्या नेतृत्वाखाली हे घडले, असेही त्यांनी म्हंटले आहे.