निवडणुकांचे बिगुल वाजले आहे. विधानसभा निवडणुकीच्या पार्श्वभूमीवर राजकीय पक्ष तयारीला लागले आहे. निवडणुकांच्या तारखा जाहीर झाल्या आहेत. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत.

याच पार्श्वभूमीवर आज निलेश राणे शिवसेनेत प्रवेश करणार आहेत. मुख्यमंत्री एकनाथ शिंदे यांच्या उपस्थितीत आज प्रवेश होणार असून कुडाळमधील मुख्यमंत्री शिंदे यांच्या सभेत हा पक्षप्रवेश सोहळा होणार आहे.

निलेश राणे यांच्या हाती 20 वर्षांनी पुन्हा धनुष्यबाण येणार असून कुडाळ-मालवणमधून निवडणूक लढण्यास निलेश राणे इच्छुक असल्याची माहिती मिळत आहे. आज 4 वाजता निलेश राणे शिवसेनेत प्रवेश करणार आहेत. काल निलेश राणे यांनी पत्रकार परिषद घेत पक्ष प्रवेशाची माहिती दिली.