भाजपाचे जेष्ठ नेते आणि राम मंदिर आंदोलनासाठी मोठी भूमिका वठवणारे मुरली मनोहर जोशी आणि लालकृष्ण अडवाणी राम मंदिराच्या उद्घाटन सोहळ्याला उपस्थित राहणार नाही. अशी माहिती मिळत आहे.

अयोध्येत राम मंदिर उभारले जावे यासाठी लालकृष्ण आडवाणी यांनी ९० च्या दशकात रथयात्रा काढली होती. तसेच मुरली मनोहर जोशी यांचंही योगदान महत्त्वाचं होतं.

मुरली मनोहर जोशी आणि लालकृष्ण अडवाणी ह्यांच्या प्रकृती आणि वयाच्या कारणांमुळे समारंभाला उपस्थित राहू शकणार नाहीत. मुरली मनोहर जोशी आणि लालकृष्ण अडवाणी ज्येष्ठ नेते आहेत. त्यांचे वय लक्षात घेऊन त्यांना न येण्याची विनंती केली आहे, जी दोघांनीही मान्य केली आहे. अशी माहिती राम मंदिर ट्रस्टचे प्रमुख सचिव चंपत राय यांनी दिली.