पुणे : पिंपरी चिंचवड आणि कसबा पेठ विधानसभा मतदारसंघांचा पोटनिवडणूक कार्यक्रम जाहीर झाला आहे. भाजपा आमदार मुक्ता टिळक आणि लक्ष्मण जगताप यांच्या निधनामुळे कसबा पेठ आणि पिंपरी चिंचवड दोन जागा रिक्त झाल्या होत्या. या जागांवरील पोटनिवडणुकीचा कार्यक्रम निवडणूक आयोगाने जाहीर केला आहे. या जागांसाठी २७ फेब्रुवारी रोजी निवडणूक होणार आहे.

कसबा पेठ आणि पिंपरी चिंचवड या दोन्ही जागांसाठी २७ फेब्रुवारी रोजी मतदान होणार आहे. अर्ज दाखल करण्याची शेवटची मुदत ७ फेब्रुवारी व ८ फेब्रुवारी रोजी अर्जांची छाननी केली जाईल. तर, १० फेब्रुवारीपर्यंत अर्ज मागे घेता येतील. २ मार्च रोजी मतमोजणी होईल, असा कार्यक्रम निवडणूक आयोगाने जाहिर केला आहे.

दरम्यान, मुक्ता टिळक व लक्ष्मण जगताप यांचे निधन झाल्याने या जागा रिक्त झाल्या आहेत. कोणत्याही आमदार वा खासदाराचे निधन झाल्यास विरोधकांकडून त्या जागेवर उमेवार उभा केला जात नाही. बिनविरोध निवडणूक पार पाडण्याची प्रथा महाराष्ट्रात आहे.