Eknath Shinde : शिवसेनेत बंड पुकारणाऱ्या एकनाथ शिंदे यांनी मोठा निर्णय घेतला आहे. एकनाथ शिंदे यांनी अखेर भाजपसोबत जाण्याचा निर्णय घेतला आहे. हे त्यांनी एका व्हिडीओ व्दारे सांगितले आहे. गुहाहाटी येथे बंडखोर आमदारांना संबोधित करताना त्यांनी हे वक्तव्य केलं आहे. शिंदे यांचा हा व्हिडीओही समोर आला आहे. त्यामुळे राजकीय वर्तुळात चांगलीच खळबळ उडाली आहे. (eknath shinde with bjp decision)

भाजप एक राष्ट्रीय शक्ती आहे. राष्ट्रीय पक्ष असल्याने बलवान आहे. आपल्याला मदतीचा त्यांनी शब्द दिलाय. तुमच्या पाठीमागे आमची पूर्ण शक्ती असल्याचं भाजप नेतृत्वाने आपल्याला सांगितलं आहे. त्यामुळे आता आणण एकजूट राहण्याची आवश्यकता आहे, असं एकनाथ शिंदे बंडखोर आमदारांना मार्गदर्शन म्हणाले.