अमजद खान| कल्याण
एकनाथ शिंदे हे मुख्यमंत्री होताच कल्याण डोंबिवली त्यांच्या अभिनंदनाचे बॅनर झळकले आहे. बॅनर लावणारे शिवसैनिक आहे. यामुळे कोणता झेंडा घेऊ हाती? हा प्रश्न सोडवत मातोश्री आमचे प्रतिपंढरपूर, एकनाथ शिंदे आमचे नेते म्हणत बॅनरवर दोन्ही नेत्यांचे फोटो लावले आहेत.
शिवसेना माजी नगरसेवक मोहन उगले यांनीही बॅनर लावला आहे. त्यांच्या बॅनरवर शिवसेना पक्ष प्रमुख उद्धव ठाकरे आणि मुख्यमंत्री एकनाथ शिंदे यांचे फोटो झळकले आहे. याविषयी उगले यांच्याकडे विचारणा केली असता त्यांनी सांगितले की, मातोश्री हे आमचे प्रतिपंढरपूर आहे. तसेच मुख्यमंत्री झालेले एकनाथ शिंदे हे आमचे नेते आहेत .दोन्ही नेते शिवसेनेचे असल्याने ते आम्हाला दैवताप्रमाणो आहे. असे कोणी म्हटलेले नाही की यांना शिवसेनेतून काढून टाकले आहे. त्यामुळे दोन्ही नेत्यांचे फोटो बॅनरवर असल्याचे स्पष्टीकरण दिले आहे.
एकनाथ शिंदे यांची सूरतवारी त्यानंतर गुहाटीचा हॉटेल मुक्काम त्यानंतर त्यांचे मुंबईत येणो. मुख्यमंत्री पदाची शपथ घेत मुख्यमंत्री पदी विराजमान होते. दरम्यानच्या काळात कल्याण डोंबिवली महापालिका हद्दीतील शिवसैनिकात संभ्रमाचे वातावरण होते. शिंदे यांचा ठाणे जिल्ह्यात दबदबा राहिला आहे. आत्ता तर ते मुख्यमंत्रीपदी विराजमान झाले आहेत. त्यांनी मुख्यमंत्रीपदाची शपथ घेताच शहरातील शिवसैनिकांनी त्यांच्या अभिनंदनाचे बॅनर लावले आहेत. त्या बॅनवर शिंदे यांच्यासह उद्धव ठाकरे यांचाही फोटो आहे. दोन्ही नेते शिवसैनिकांना समान आहे. हे चित्र शहरात दिसून येत आहेत