अजित पवार यांचा आज गावभेट दौरा आहे. बारामतीमधील पानसरेवाडी इथं भेट देऊन गावभेट दौऱ्याला सुरुवात केली असून दौऱ्यादरम्यान अजित पवार यांनी नागरिकांशी संवाद साधला. पानसरेवाडीत बोलत असताना अजित पवारांनी बारामतीकरांना भावनिक आवाहन केलं आहे.
अजित पवार म्हणाले की, तुम्ही लोकसभेला थोडी गंमत केली. आता मात्र विधानसभेला गंमत करु नका. नाहीतर तुमची जंमत होईल. मी खोटं नाही सांगत, तुमच्या लक्षात येत नाही. भावनिक करण्याचा प्रयत्न केला तर त्याची इतकी मोठी किंमत बारामतीकरांना मोजावी लागेल. परत बारामतीकरांना कुणी वाली राहणार नाही.
यासोबतच ते पुढे म्हणाले की, साहेबांनी सांगितलं दीड वर्षांनी मी निवडणुकीला उभं राहणार नाही आणि खासदार पण होणार नाही. त्याच्यानंतर कोण बघणार आहे याचा विचार करा आणि कोणात तेवढी धमक आहे, कोणात तेवढी ताकद आहे. कोण शब्दाचा पक्का आहे. असे अजित पवार म्हणाले.
महाराष्ट्रातील विधानसभा निवडणुकीच्या लेटेस्ट अपडेट्स पाहण्यासाठी लिंकवर क्लिक करा: