राष्ट्रवादीचे नेते जयंत पाटील आपल्या खास भाषणशैलीसाठी परिचित आहेत. विधानसभा असो किंवा पावसाळी अधिवेशन यातील जयंत पाटलांची भाषणं श्रवणीय असतात. त्यांच्या बोलण्यात ग्रामीण बाज आहे. आता पाटलांनी भारतीय पुरुष हॉकी संघाला अशाच शब्दांत हटके शुभेच्छा दिल्या आहेत.

भारतीय हॉकी संघानं जबरदस्त कामगिरी करत 41 वर्षांनंतर कांस्य पदकारवर आपलं नाव कोरलं. जर्मनीविरोधात झालेल्या सामन्यात भारतानं 5-4 ने विजय मिळवला. या ऐतिहासिक विजयानंतर हॉकी संघावर कौतुकाचा वर्षाव होत आहे.

काय म्हणाले जयंत पाटील?

'आज 41 वर्षांनी हॉकी संघाला कांस्यपदक मिळवता आलं. हॉकी संघानं मिळवलेलं यश भारतीयांचा उर भरुन आणणारं आहे. तुम्ही एकदम 'करेक्ट कार्यक्रम' केलात…अभिनंदन टीम इंडिया', असं ट्विट जयंत पाटलांनी केलं.