सतेज औंधकर | कोल्हापूर | राज्य उत्पादन शुल्क विभागाच्या कोल्हापूर भरारी पथकाने गोवा बनावट विदेशी दारू पकडून मोठी कारवाई केली असून मुद्देमालासहित दोन आरोपींना अटक करण्यात आली आहे.

राज्य उत्पादन शुल्क विभागाच्या कोल्हापूर विभागीय कार्यालयाच्या भरारी पथकाने गगनबावडा इथं वाहनांची तपासणी करत असताना बेकायदेशीररित्या गोवा बनावट दारूची वाहतूक करणाऱ्या स्विफ्ट कारमध्ये ५५ बॉक्ससह दोघाना ताब्यात घेतलं आहे. त्याच्याकडून 3 लाख 17 हजार 280 रुपयांचा गोवा बनावटीचा देशी विदेशी दारूचा मद्यसाठा जप्त केला असून या दारुच्या वाहतुकीसाठी वापरण्यात आलेल्या स्विफ्ट कारसह भरारी पथकाने जप्त केली आहे. मात्र, सखोल तपासानंतर दिलेल्या माहितीनुसार बेकायदेशीर सर्व दारू आणि 6 लाख 92 हजार 280 रुपयांचा मुद्देमाल जप्त करण्यात आला आहे. दरम्यान, कोल्हापूरच्या भरारी पथकाने पुढील कारवाई सुरूच ठेवली आहे.