राज्यात खळबळ उडवून देणारी बातमी समोर येत आहे. मुख्यमंत्री एकनाथ शिंदे यांना जीवे मारण्याची धमकी देण्यात आली असल्याची सूत्रांनी माहिती दिली आहे. आत्मघाती स्फोट घडवून जीवे मारण्याचा प्रयत्न केला जाणार होता अशी गुप्तचर विभागाला माहिती प्राप्त झाली होती. चिंतेची बाब म्हणजे याआधी महिनाभरापूर्वी देखील माओवाद्यांकडून मुख्यमंत्र्यांना जीवे मारण्याची धमकी आली होती.

सरकारने पीएफआय या संघटनेवर बंदी घातली असून त्याचा या प्रकरणाचा काही संबंध आहे का याचा तपास पोलिस करत आहेत. या पार्श्वभूमीवर पोलिसांकडून मुख्यमंत्र्यांच्या निवासस्थानी बंदोबस्वत वाढवण्यात आला आहे. सोबतच त्यांच्या कुटुंबीयांची सुरक्षा व्यवस्था देखील वाढवण्यात आली आहे. 

५ तारखेला शिंदे गटाचा बीकेसी मैदानात दसरा मेळावा पार पडणार आहे. त्या दृष्टीने आता पोलिसांनी सुरक्षेची तयारी केली असून दसरा मेळाव्याच्या स्टेजवर काही मोजकेच लोक असतील अशी माहिती माहिती समोर येत आहे.