मुंबईतील काँग्रेसचे आमदार झिशान सिद्दीकी यांनी थेट मुंबई काँग्रेसचे अध्यक्ष भाई जगताप यांच्याविरुद्ध काँग्रेसच्या हंगामी अध्यक्षा सोनिया गांधी आणि काँग्रेसचे नेते राहुल गांधी यांना पत्र लिहून तक्रार केली आहे. आपल्याला डावललं जात असल्याचा आरोप सिद्दीकी यांनी केला आहे.त्यामुळे मुंबई काँग्रेसमधील अंतर्गत धूसफूस चव्हाट्यावर आली आहे.
"माझ्या पक्षाचा अध्यक्षच माझ्याविरोधात कारवाया करत आहे. माझ्या मतदारसंघात काँग्रेस पक्षाच्या वतीने कार्यक्रम घेण्यात आला, पण स्थानिक आमदार असूनही आपल्याला बोलावलं गेलं नाही. मुंबई युवा काँग्रेस निवडणुकीत आपल्या (झिशान सिद्दीकी) उमेदवाराला मदत केल्यास पक्षात पद देणार नाही, असं नगरसेवक आणि पदाधिकारी यांना भाई जगताप यांनी सांगितलं असल्याचा आरोप," झिशान सिद्दीकी यांनी केला आहे.