आंतरराष्ट्रीय बाजारातल्या दरवाढीमुळे भारतात गॅसचे दर वाढले आहेत.

महानगर गॅस लिमीटेडने पीएनजी आणि सीएनजीच्या किंमतीत तात्काळ प्रभावाने 2 रुपयांची वाढ केली आहे. पुरवठा किंमतीत तीव्र वाढ लक्षात घेता औद्योगिक सीएनजी 2 रुपये प्रति किलो आणि घरगुती पीएनजी 2 प्रति एससीएम वाढल्याची माहिती एमजीएलने दिली आहे.

दरम्यान, या दरवाढीनंतर मुंबई आणि आसपासच्या भागात सीएनजी आणि पीएनजीच्या किंमतीत टॅक्स समाविष्ट करून स्लॅब 1 ग्राहकांसाठी सीएनजी 54.57 रुपये/किलोग्रॅम आणि पीएनजी 32.67 रुपये/एससीएम आहे, तर स्लॅब 2 ग्राहकांसाठी 38.27 रुपये/एससीएम होईल.

दरवाढीची काही मुख्य कारणे –

अमेरिकेत नॅच्युरल गॅसचं उत्पादन कमी झाल्यामुळे पुरवठा कमी आहे, चीनने या नॅच्यरल गॅसच्या आयातीत दुप्पट वाढ केली आहे, तर कोळशाच्या किंमती वाढल्यानेही नॅच्यरल गॅस महागला आहे.