नवी मुंबईतील रबाळे रेल्वे स्टेशनवर पहाटे ५ वाजताच्या दरम्यान रेल्वे रुळावर बसलेल्या म्हशींना रेल्वेने धडक दिल्याने यामध्ये ११ म्हशींचा मृत्यू झाला आहे. तसेच ३ म्हशी जखमी झाल्याची माहिती समोर आली आहे. तर 19 म्हशी या अपघातातून बचावल्या आहेत. तसेच अन्य काही जनावरे देखील जखमी झाली आहेत. यामध्ये गायींचा समावेश आहे.

पहाटे ५ वाजताच्या दरम्यान ठाण्याला जाणाऱ्या पहिल्या लोकलने हा अपघात झाला असून म्हशींच्या मालकाला चौकशीसाठी रेल्वे पोलिसांनी ताब्यात घेतलंय. याविषयी आरपीएफ च्या माध्यमातून अधिक तपास सुरू आहे.