आदेश वाकळे, प्रतिनिधी, संगमनेर

अहमदनगर – संगमनेर तालुक्यातील घारगावातून कोरोना रुग्णसेवत असलेली रुग्णवाहिकाच चोराने पळवल्याचा धक्कादायक प्रकार समोर आला आहे.

घारगाव येथील लक्ष्मी हॉटेल जवळ उभ्या असलेल्या रुग्णवाहिकेत एक कोरोना रुग्ण होता. त्याला उपचारासाठी नेण्यात येत होते. मात्र रुग्णवाहिकेचा चालक काही वेळासाठी बाहेर गेल्याचं पाहून चोरट्यांनी डाव साधला.

आरोपी वैभव सुभाष पांडे याने संधीचा फायदा घेत रुग्णवाहिका थेट घारगाव येथून संगमनेरच्या दिशेला पळवण्याचा प्रयत्न केला. मात्र काही तासातच संगमनेर पोलिसांनी आरोपीला बेड्या ठोकल्या. तसेच रुग्णवाहिका देखील ताब्यात घेण्यात आली आहे.