नवी मुंबईतील डी वाय पाटील रुग्णालयाच्या गेटवर रात्री सव्वा आठच्या सुमारास चार अनोळखी इसमांनी एका रुग्णवाहिका चालकाचा चाकू भोसकून खून केल्याची धक्कादायक घटना घडली आहे.
पोलिसांच्या तक्रारी प्रमाणे, रात्री सव्वा आठच्या सुमारास चार इसमांनी एका रुग्णवाहिका चालकाचा पोटात, मानेवर चाकूने वार करून खून केला असून मयत व्यक्तीच्या सोबत आणखी एकाला मारण्याचा प्रयत्न केला. मात्र,दुसरा व्यक्ती वेळेवर रुग्णवाहिका पळविल्याने वाचला. घटनेचा तक्रारदार आणि सुदैवाने हल्ल्यातून वाचलेल्या ज्ञानेश्वर नाकाडे यांनी रुग्णवाहिका पळवून नेल्याने तो वाचला तर युवराज सिह याला आपला जीव गमावावा लागला.
पोलीस घटनेचा अधिक तपास करत असून,चारही आरोपी फरार असून,पोलीस त्यांचा शोध घेत आहेत. हल्ल्याचा मुख्य कारण काय आहे याबाबत आरोपी सापडल्यावरच कळू शकेल. मात्र केवळ सव्वा आठच्या सुमारास घडलेल्या आणि प्रसिद्ध डी वाय पाटील रुग्णालयाच्या आणि नागरिकांनी गजबजलेल्या गेटवर खुनी हल्ला झाल्याने नवी मुंबईत एकच खळबळ उडाली आहे.