मुख्यमंत्री माझी लाडकी बहीण योजना सुरु झाल्यापासून विरोधी पक्षाकडून टीका करण्यात येत आहेत. याच पार्श्वभूमीवर अजित पवार यांनी ट्विट केलं आहे. अजित पवार यांनी ट्विट करत म्हटले आहे की, 'माझी लाडकी बहीण योजना' टिकवणं शक्य नसल्याचं विरोधी पक्ष सांगत आहेत. परंतु अशक्य गोष्ट शक्य करणं हीच माझी ओळख आहे. तोच माझा स्वाभिमान आहे.
ही कल्याणकारी योजना विरोधकांना बंद पाडायची आहे, तसं त्यांनी स्पष्ट देखील केलं आहे कारण, ही योजना यशस्वीपणे राबवणं अशक्य आहे असं त्यांचे भाकित आहे.
यासोबतच ते पुढे म्हणाले की, परंतु येत्या काळात या योजनेला अधिक बळकटी देवून या योजनेची रक्कम वाढवण्यासाठी मी सर्वोतोपरी प्रयत्न करेन. ही निवडणूक महिलांच्या हितासाठी आणि विरोधात असणाऱ्यांमध्ये आहे. असे अजित पवार म्हणाले.