भारत गोरेगावकर । रायगड जिल्ह्याच्या महाडमध्ये एमआयडीसी पुन्हा वायू गळती झाल्याची घटना घडली आहे. या घटनेमध्ये एकच खळबळ माजली असून स्थानिक नागरिकांमध्ये घबराटीचे वातावरण पसरले आहे. पाच दिवसातली वायूगळतीची हि दुसरी घटना असल्याने नागरिकांमध्ये रोष असून या घटनांवर नियंत्रण कसे येणार असे सवाल उपस्थित होत आहेत.

महाडच्या एमआयडीसी मधील लक्ष्मी ऑरगॅनिक कंपनीतून वायू गळती झाल्याची बातमी समोर आली आहे. या घटनेने आसनपोई गाव परिसरातील नागरिकांमध्ये एकच खळबळ उडाली असून घबराटीचे वातावरण आहे. दरम्यान या घटनेची माहिती अग्निशमन दलाला देण्यात आली आहे. लवकरच अग्निशमन दल घटनास्थळी दाखल होणार आहे.