राज्यात आज कोरोनाचे २५,४२५ नवीन रुग्ण आढळले आहेत. याशिवाय गेल्या २४ तासांत ४२ रूग्णांचा कोरोनामुळे मृत्यू झाला आहे. ३६,७०८ रुग्णांनी कोरोनावर मात केली आहे.

बुधवारी राज्यात कोरोना विषाणू संसर्गाचे ३५,७५६ रुग्ण आढळून आले होते. तर आज २५,४२५ नवीन रुग्ण आढळले आहेत. त्यामुळे तब्बल 10 हजार रूग्णसंख्या कमी आढळली आहे. महाराष्ट्रात कोरोनाचा वेग हळूहळू कमी होत आहे.

गुरुवारी, राज्यात ३६,७०८ रुग्ण कोरोनावर मात करुन घरी परतले आहेत. आतापर्यंत ७१,९७,००१ बाधितांनी कोरोनावर मात केली आहे. त्यामुळे राज्याचा रिकव्हरी रेट ९४.३२ टक्क्यांवर पोहोचला आहे. सध्या राज्यात १५,३१,१०८ रुग्ण हे होमक्वारंटाईनमध्ये आहेत, तर ३२५९ व्यक्ती संस्थात्मक क्वारंटाईनमध्ये आहेत.

आज ओमायक्रॉनच्या ७२ रुग्णांची भर पडली आहे. यामुळे महाराष्ट्राती एकूण ओमायक्रॉनबाधितांची संख्या २९३० झाली आहे.