राज्यात गेल्या काही दिवसांपासून 10 हजारापलीकडे जाणारा कोरोना बाधितांचा आकडा आज काहीसा नियंत्रणात आला आहे. आज राज्यात 10 हजार 697 नवे कोरोनाबाधित रुग्ण आढळून आले आहेत.

आरोग्य विभागाने दिलेल्या आकडेवारीनुसार राज्यात दिवसभरात एकूण 10 हजार 697 नव्या कोरोनाबाधितांची नोंद झाली आहे. यामुळे आजपर्यंत राज्यात कोरोनाची बाधा झालेल्या रुग्णांची संख्या 58 लाख 98 हजार 550 इतकी झाली आहे. तर 14 हजार 910 रुग्ण बरे होऊन घरी गेले आहेत. त्यामुळे राज्याचा रिकव्हरी रेट 95.48 टक्के इतका झाला आहे. तर 360 रुग्णांचा मृत्यू झाला आहे.