सुविचार
माणसाला दोनच गोष्टी हुशार बनवतात. एक म्हणजे वाचलेली पुस्तकं आणि दुसरी भेटलेली माणसं.
आज काय घडले
१९३० साली आयोजित पहिला फुटबॉल विश्वकप उरुग्वेच्या फुटबॉल संघाने जिंकला. उरुग्वेने अर्जेटिना संघाचा ४-२ अशा फरकाने पराभव केला.
१९६२ मध्ये ट्रान्स कॅनडा हायवे हा सुमारे ८ हजार ३० किमी लांबीचा जगातील सर्वात मोठा राष्ट्रीय महामार्ग सुरू झाला.
२००० मध्ये अभिनेते डॉ. राजकुमार यांचे चंदन तस्कर वीरप्पन यांनी अपहरण केले होते.
२००० मध्ये कोणत्याही प्रवासी वाहनातून एखादा प्रवासी अपघाताने खाली पडून त्याचा मृत्यू झाल्यास त्याबद्दल त्या वाहनचालकाला जबाबदार धरता येणार नाही, असा सर्वोच्च न्यायालयाने निकाल दिला.
आज यांचा जन्म
अमेरिकन फोर्ड मोटर कंपनीचे संस्थापक व उद्योगपती हेनरी फोर्ड यांचा १८६३ मध्ये जन्म झाला.
पद्मभूषण पुरस्कार सन्मानित प्रसिद्ध भारतीय महिला चिकित्सक व समाजसुधारक मुथुलक्ष्मी रेड्डी यांचा १८८६ मध्ये जन्म झाला.
पद्मश्री पुरस्कार सन्मानित सुप्रसिद्ध भारतीय इतिहासकार, संस्कृतज्ज्ञ व सौंदर्यशास्त्री गोविंदचंद्र पांडे यांचा १९२३ मध्ये जन्म झाले.
हिंदी आणि मराठी चित्रपट सृष्टीतील श्रेष्ठ अभिनेत्री सुलोचना लाटकर याचा १९२८ मध्ये जन्म झाला. पद्मश्री पुरस्कार व महाराष्ट्र भूषण पुरस्काराने त्यांना गौरविण्यात आले आहे.
भारताचे माजी १६ वे मुख्य निवडणूक आयुक्त आणि लेखक नवीन चावला यांचा १९४५ मध्ये जन्म झाला.
हिंदी चित्रपटसृष्टीतील लोकप्रिय पार्श्वगायक सोनू निगम यांचा १९७३ मध्ये जन्म झाला. काही हिंदी चित्रपटांत त्यांनी नायकाच्या भूमिकाही केल्या आहेत.
आज यांची पुण्यतिथी
कर्नाटकसिंह म्हणून प्रसिद्ध असणारे भारतीय स्वातंत्र्य सैनिक व महात्मा गांधी यांचे सहकारी गंगाधर बाळकृष्ण देशपांडे यांचे १९६० मध्ये निधन झाले.
भारतीय हिंदुस्थानी शास्त्रीय संगीत व नाट्य संगीताचे गायक वसंतराव देशपांडे यांचे १९८३ मध्ये निधन झाले.
मराठी ग्रामीण साहित्यिक, चित्रपट कथालेखक, महामंडळाचे संस्थापक सचिव शंकर पाटील यांचे १९९४ मध्ये निधन झाले. ते ‘बालभारती’चे संपादक होते.
अर्थतज्ज्ञ, इंडियन स्कूल ऑफ पॉलिटिकल इकॉनॉमीचे संस्थापक डॉ. विनायक महादेव तथा वि. म. दांडेकर यांचे १९९५ मध्ये निधन झाले.
संगीत नाटक अकादमी पुरस्कार सन्मानित प्रसिद्ध भरतीय संगीतकार, गायक व मानववंशशास्त्रज्ञ अशोक दामोदर रानडे यांचे २०११ मध्ये निधन झाले.