सुविचार
दिवा बोलत नाही त्याचा प्रकाशच त्याचा परिचय देतो. त्याचप्रमाणे तुम्ही स्वतःविषयी काहीच बोलू नका, कर्म करत रहा. तेच तुमचा परिचय देतील.
आज काय घडले
१९२७ मध्ये मुंबई व कोलकोता केंद्रावरून रेडिओ प्रसारण करण्यास सुरुवात करण्यात आली. १९५७ मध्ये त्याचे आकाशवाणी असे नामाकरण करण्यात आले.
१९८३ मध्ये एल.टी.टी.ई. ने श्रीलंकेच्या १३ सैनिकांची हत्या केली. त्यानंतर श्रीलंकेच्या सरकारने तामिळवंशीय नागरिकांवर हल्ला केले. जुलै महिन्यात १ हजार नागरिक ठार झाले.
१९९९ मध्ये केनेडी अवकाश केंद्रावरून कोलंबिया यानाने चंद्रा ही अवकाशातील सर्वात मोठी दुर्बिण प्रक्षेपित केली.
आज यांचा जन्म
स्वातंत्र्यसेनानी, राजकारणी, संपादक आणि लेखक बाळ गंगाधर टिळक यांचा १८५६ मध्ये जन्म झाला. त्यांना ‘लोकमान्य' या उपाधीने गौरविले गेले.
क्रांतिकारक चंद्रशेखर आझाद उर्फ चंद्रशेखर तिवारी यांचा १९०६ मध्ये जन्म झाला. त्यांनी हिंदुस्थान सोशालिस्ट रिपब्लिकन असोसिएशन या संघटनेची पुनर्बांधणी केली.
जयपूर-अत्रौली घराण्याच्या गायिका धोंडुताई कुलकर्णी यांचा १९२७ मध्ये जन्म झाला.
नाट्य व चित्रपट अभिनेते डॉ. मोहन आगाशे यांचा १९४७ मध्ये जन्म झाला. व्यवसायाने ते मानसशास्त्रज्ञ आहे.
प्रसिद्ध भारतीय चित्रपट अभिनेते व मनोचिकित्सक डॉ. मोहन अगाशे यांचा १९४७ मध्ये जन्म झाला.
महाराष्ट्रातील गडकिल्ले आणि अन्य प्रेक्षणीय स्थळे यांची दूरचित्रवाणीच्या पडद्यावर ओळख करून देणारे मिलिंद गुणाजी यांचा १९६१ मध्ये जन्म झाला.
संगीतकार, गायक व चित्रपट अभिनेता हिमेश रेशमिया यांचा १९७३ मध्ये जन्म झाला.
आज यांची पुण्यतिथी
डॉ. बाबासाहेब आंबेडकर यांचे सहकारी आणि आंबेडकरी चळवळीचे नेते दादासाहेब रूपवते यांचे १९९९ मध्ये निधन झाले.
विनोदी अभिनेता, दिग्दर्शक आणि निर्माता महेमूद यांचे २००४ मध्ये निधन झाले. त्यांनी ३०० पेक्षा जास्त चित्रपटातून भूमिका केल्या.
सुभाषचंद्र बोस यांच्या आझाद हिंद सेनेत राणी लक्ष्मीबाई रेजिमेंटच्या कर्नल लक्ष्मी सहगल यांचे २०१२ मध्ये निधन झाले. त्या कॅप्टन लक्ष्मी या नावाने ओळखल्या जातात.