राज्यामध्ये विधानसभा निवडणुकीची रणधुमाळी सुरु आहे. निवडणुकीच्या पार्श्वभूमीवर पक्षांकडून जाहीरनामा प्रसिद्ध केला जात आहे. आज भाजपचा जाहीरनामा प्रसिद्ध करण्यात आला. त्यानंतर आता महाविकास आघाडीचा जाहीरनामा प्रसिद्ध करण्यात आला आहे.
महाराष्ट्र विधानसभा निवडणुकीसाठी भाजपकडून केंद्रीय मंत्री अमित शाह यांच्या उपस्थितीत जाहीरनामा प्रकाशित करण्यात येत आहे.
मुख्यमंत्री लाडकी बहीण योजनेचे पैसे घेतलेल्या महिला काँग्रेसच्या रॅलीमध्ये जर तुम्हाला दिसल्या तर त्यांचे फोटो काढा त्यानंतर आम्ही त्यांचा बंदोबस्त करतो, असे वक्तव्य करणारे भाजपाचे राज्यसभा खासदार धनंजय महाडिक हे आता त्यांच्या या वादग्रस्त वक्तव्यामुळे कचाट्यात सापडलेत.
शिवसेना (शिंदे) नांदेड उत्तर विधानसभेचे उमेदवार बालाजी कल्याणकर यांच्या प्रचारार्थ सिनेअभिनेते तथा शिवसेनेचे नेते गोविंदा यांचा नांदेड शहरात रोड शो.नांदेड शहरातील शिवाजी नगर ते भक्ती लॉन्स पर्यंत रोडशो
सोलापुरात काँग्रेसला मोठा धक्का बसलाय. मोची समाजातील पाच माजी नगरसेवकांनी भाजपमध्ये प्रवेश केलायं. सोलापूर शहर मध्य या मतदारसंघात मोची समाजाला उमेदवारी न दिल्याने प्रवेश केलाय.
साताऱ्यातील कुडाळमध्ये आज शिवेंद्रराजे भोसले यांच्या प्रचार सभेचं आयोजन करण्यात आलंय. तसंच भव्य रॅली काढत जोरदार शक्तिप्रदर्शन करणार आहे.
सांगोल्यात आज उद्धव ठाकरेंची तोफ धडाडणार. सांगोल्यात उद्धव ठाकरेंची भव्य प्रचार सभा पार पडमार आहे. दुपारी 2 वा. उद्धव ठाकरेंची जाहीर सभा.