मुख्यमंत्री एकनाथ शिंदे यांनी श्रीनिवास वनगा यांच्याशी संवाद साधला आहे. विधान परिषदेला वनगांना संधी देणार असल्याचा मुख्यमंत्री शिंदेंनी शब्द दिल्याची वनगा यांच्या पत्नी यांनी माहिती दिली आहे. तसेच ठाकरेंच्या सेनेकडून वनगांना संपर्क साधण्याचा प्रयत्न ही करण्यात आला आहे.

विधानसभा निवडणुकीसाठी भारतीय जनता पार्टीकडून चौथी यादी जाहीर करण्यात आली आहे. युवा स्वाभिमानी पार्टीसाठी बडनेराची जागा सोडण्यात आली आहे. तर राष्ट्रीय समाज पक्षाला गंगाखेडची जागा सोडण्यात आली आहे. आत्तापर्यंत भाजपकडून 150 जागांची घोषणा करण्यात आली आहे. रिपाई आठवले गटाला कलिना, तर जनसुराज्य शक्ती पक्षासाठी शाहुवाडीची जागा जाहीर करण्यात आली आहे.

अमरावतीत महायुतीचा रवी राणा यांना पाठिंबा

तुषार भारतीय यांची भाजपने उमेदवारी नाकारली

उद्या तुषार भारतीय अपक्ष उमेदवारी अर्ज दाखल करणार

रवी राणा यांना भाजपने पाठिंबा दिल्याने तुषार भारतीय नाराज

पनवेल मतदार संघात पंतप्रधान मोदींची जाहीर सभा घेण्यात येणार आहे. 14 नोव्हेंबरला पंतप्रधान मोदी जाहीर सभा घेणार आहेत. निवडणुकीच्या पार्श्वभूमीवर नरेंद्र मोदी शक्तिप्रदर्शन करणार असल्याचे पनवेलचे आमदार प्रशांत ठाकूर यांनी जाहीर केलं आहे.

उपमुख्यमंत्री देवेंद्र फडणवीसांच्या आश्वासनानंतर RPIची नाराजी दूर झाली आहे. धारावी आणि कलिना अशा दोन जागा RPIच्या वाट्याला दिल्या असल्याची माहिती केंद्रीय राज्यमंत्री रामदास आठवले यांनी दिली आहे. महायुतीला विजयी करण्यासाठी प्रचाराला लागा असे रामदास आठवले यांनी निर्देश दिले आहेत.

महाराष्ट्रात विधानसभा निवडणुकांसाठी उमेदवारी अर्ज भरण्याची शेवटची तारिख 29 ऑक्टोबर आहे. महायुती आणि मविआतील घटक पक्षांकडून उमेदवारांची यादी जाहीर केली जात आहे. मात्र, अद्यापही काही जागांवरून दोन्ही आघाड्यांमध्ये घोळ असल्याचे पाहायला मिळत आहे.

मुख्यमंत्री एकनाथ शिंदे यांच्या शिवसेना पक्षाचे नेते सुहास कांदे यांनी शेखर पगार यांना फोनवरून शिवीगाळ केली आहे. भाषण संपताच शेखर पगार यांना फोनवरून शिवीगाळ केली आहे. शेखर पगार यांनी भर सभेत शिवीगाळ ऐकवली आहे.

राष्ट्रवादी शरद पवार पक्षाचे पुणे शहराध्यक्ष प्रशांत जगताप यांनी आज हडपसर विधानसभा मतदारसंघातून उमेदवारी अर्ज दाखल केला आहे. महाविकास आघाडीला हडपसर भरभरून मतदान करेल आणि माझा विजय निश्चित आहे असं यावेळी प्रशांत जगताप यांनी सांगितलं.

किशनचंद तनवाणींनी निवडणुकीतून माघार घेतलीये. तनवाणी हे संभाजीनगर मध्यमधून ठाकरेंच्या शिवेसेनेचे उमेदवार होते.मात्र एमआयएमचा उमेदवार निवडून येऊ नये म्हणून त्यांनी आता विधानसभेच्या रिंगणातून माघार घेतलीये.

जुन्नर विधानसभा मतदारसंघाचे महायुतीचे उमेदवार अतुल बेनके यांनी मोठं शक्तिप्रदर्शन करत उमेदवारी अर्ज दाखल केला आहे. औक्षण झाल्यानंतर ओझर येथील गणपतीचं आणि किल्ले शिवनेरी गडाच्या पहिल्या पायरीचं दर्शन घेत त्यांनी रॅलीला सुरुवात केली.

सुमित वानखडे यांना भाजपने आर्वीमधून उमेदवारी दिली आहे. विद्यमान आमदार दादाराव केचे यांना डच्चू दिला आहे. सुमित वानखडे उद्या उमेदवारी अर्ज दाखल करणार आहेत.

नांदेड पोटनिवडणुकीसाठी भाजपकडून उमेदवार जाहीर करण्यात आली आहे. संतुक मारोतराव हंबर्डे यांना भाजपकडून उमेदवारी देण्यात आली आहे. विधानसभेच्या 25 उमेदवारांसह पोटनिवडणुकीसाठी उमेदवार जाहीर केले आहेत. अशोक चव्हाण यांचे विश्वासू म्हणून हंबर्डे यांची ओळख आहे.

चंदगड विधानसभा मतदारसंघात बंडखोरी

भाजप नेते शिवाजी पाटील यांनी भरला अपक्ष उमेदवारी अर्ज भरला आहे. प्रचंड मोठे शक्तिप्रदर्शन करत शिवाजी पाटील यांच्याकडून उमेदवारी अर्ज दाखल केला आहे. माजी राज्यमंत्री भरमु पाटील आणि कन्या शिवानी शिंगाडे यांच्यासह हजारो कार्यकर्त्यांचं शक्तिप्रदर्शन

चंदगडमधील रवळनाथ देवस्थानचे दर्शन घेऊन शिवाजी पाटील यांनी दाखल केला उमेदवारी अर्ज

शिवाजी पाटील यांच्या समर्थकांच्या घोषणेने चंदगड दुमदुमले

चंदगड मतदारसंघात महायुतीकडून विद्यमान आमदार राजेश पाटील तर महाविकास आघाडी कडून नंदा बाभुळकर यांची उमेदवारी

शिवाजी पाटील यांच्या बंडखोरीने चंदगड मध्ये महायुतीत उभी फूट

मीरा-भाईंदरचे भाजपाचे माजी आमदार नरेंद्र मेहता यांनी आज भाजपा आणि अपक्ष उमेदवारी अर्ज दाखल केला. त्यावेळी त्यांनी उपमुख्यमंत्री देवेंद्र फडणवीस यांच्यावर विश्वास दर्शवत संध्याकाळपर्यंत पक्ष त्यांना तिकीट देणार असल्याचा विश्वास व्यक्त केला. तसेच नरेंद्र मेहता यांच्या पत्नी सुमन मेहता यांनी देखील अपक्ष उमेदवारी अर्ज दाखल केला आहे.

जुन्नर विधानसभा मतदारसंघाचे महायुतीचे उमेदवार अतुल बेनके यांनी मोठं शक्तिप्रदर्शन करत आपला उमेदवारी अर्ज दाखल केलाय. ओझर येथील गणपतीचं आणि किल्ले शिवनेरी गडाच्या पहिल्या पायरीचं दर्शन घेत बेनकेंनी रॅलीला सुरुवात केली. या वेळी बेनकेंसोबत मोठा जनसमुदाय उपस्थित होता. यानंतर माध्यमांशी बोलताना त्यांनी विजयाचा विश्वास व्यक्त केलाय

भाजप नेते शिवाजी पाटील यांनी बंडखोरी करत चंदगढ विधानसभा मतदारसंघातून अपक्ष उमेदवारी अर्ज भरलाय. माजी राज्यमंत्री भरमु पाटील आणि कन्या शिवानी शिंगाडे तसंच हजारो कार्यकर्त्यांसह मोठं शक्तिप्रदर्शन करत पाटील यांनी उमेदवारी अर्ज दाखल केलाय. चंदगड मतदारसंघात महायुतीकडून विद्यमान आमदार राजेश पाटील तर महाविकास आघाडी कडून नंदा बाभुळकर यांना उमेदवारी देण्यात आलीये. शिवाजी पाटील यांच्या बंडखोरीने चंदगड मध्ये महायुतीत उभी फूट पडलीये.

स्वराज्य पक्षाकडून संभाजीराजे छत्रपती यांच्या हस्ते गोपाळ लहांगे यांना एबी फॉर्म देण्यात आला. 'मविआ'नं तिकीट नाकारल्यानंतर त्यांनी स्वराज्य पक्षात प्रवेश केला आहे. गोपाळ लहांगे इंगतपुरीतून स्वराज्य पक्षाचे उमेदवार असणार आहेत.

विधानसभेच्या निवडणुकीसाठी भाजपची तिसरी यादी जाहीर करण्यात आली आहे. या तिसऱ्या यादीतून 25 जणांना उमेदवारी करण्यात आली आहे. वर्सोव्यातुन भारती लव्हेकरांना उमेदवारी देण्यात आली आहे. तसच अनेक विद्यमान आमदारांना त्याच मतदारसंघातून पुन्हा संधी देण्यात आली आहे. तर लातूरमधून अर्चना चाकूरकर यांना उमेदवारी देण्यात आली आहे.

जितेंद्र आव्हाड यांच्या कार्यकर्त्यांनी राडा केला आहे. कार्यअहवालात आव्हाड यांच्या अत्यंत जवळचा आणि जुना कार्यकर्ता असलेल्या युनूस शेख याचं नाव नसल्याने फोटो आणि नाव नसल्याने कार्यकर्त्यानी राडा केला आहे. मुंब्रामधील बैठक आणि पदाधिकारी मेळाव्यात हा प्रकार घडला आहे. आव्हाड यांनी युनूस शेख यांना महाराष्ट्र अल्पसंख्यांक अध्यक्ष पद दिले. तसेच कार्यकर्त्याच्या मुलीला महापालिका निवडणुकीत उमेदवारी देण्याचं आश्वासन दिले आहे.

राज ठाकरे भांडुपमध्ये मनसेचे उमेदवार शिरीष सावंत यांचा उमेदवारी अर्ज दाखल करण्यासाठी पोहचले.