नाना पटोले काँग्रेस प्रदेशाध्यक्षपदाचा राजीनामा देण्याची शक्यता आहे.
आमदार गणेश नाईक यांनी उपमुख्यमंत्री देवेंद्र फडवणीस यांची भेट घेऊन दोघांमध्ये नवी मुंबईच्या राजकारणावर चर्चा झाल्याची माहिती मिळत आहे.
बेलापूरच्या आमदार मंदा म्हात्रे यांनी एकनाथ शिंदे यांची भेट घेतली. बेलापूर मतदारसंघात आमदार मंदा म्हात्रे यांनी हॅट्रिक साधली. भेटीत राजकीय घडामोडींवर चर्चा झाल्याची माहिती मिळत आहे.
संजय काकडेंनी देवेंद्र फडणवीसांची भेट घेतली असून संजय काकडेंकडून फडणवीसांचं अभिनंदन करण्यात आले आहे.
मुंबईत रिक्षा प्रवास महागण्याची शक्यता असून रिक्षा भाडेदरात 2 रुपयांची वाढ करण्याची चालकांची मागणी आहे.
हेमंत सोरेन झारखंडच्या मुख्यमंत्रीपदाची शपथ घेणार असून 28 तारखेला हा शपथविधी पार पडणार आहे.
इंडिया आघाडीच्या प्रमुख नेत्यांची आज दिल्लीत बैठक होणार आहे. हिवाळी अधिवेशनाच्या पार्श्वभूमीवर सकाळी 10 वाजता महत्वाची बैठक होणार असून काँग्रेस अध्यक्ष मल्लिकार्जुन खरगे यांच्या दालनात ही बैठक होणार आहे.
नवनिर्वाचित आमदारांची आज उद्धव ठाकरेंच्या उपस्थितीत मातोश्रीवर बैठक होणार असून आजच्या बैठकीत निवडणुकीच्या निकालावर चर्चा होणार आहे.
मुंबईत आज मनसेची राज ठाकरेंच्या उपस्थितीत महत्त्वाची बैठक होणार असून आगामी काळातील मनसेच्या भूमिकेकडे लक्ष राहणार आहे.
संसदेच्या हिवाळी अधिवेशनाला आजपासून सुरु होत आहे. या अधिवेशनात 16 विधेयके मांडली जाणार आहेत. हे अधिवेशन 20 डिसेंबरपर्यंत चालणार आहे. हे अधिवेशन अनेक मुद्यांवर गाजण्याची शक्यता आहे.
सरकार स्थापनेबाबत दिल्लीत भाजपच्या वरिष्ठ नेत्यांसोबत आज चर्चा होणार असून दिल्लीतील बैठक संपल्यावर मुंबईत सरकार स्थापनेच्या हालचालींना वेग येणार आहे.