निवडणूक आयोगाच्या भरारी पथकाने मोठी कारवाई केली आहे. नाशिकमध्ये नामांकित हॉटेलमध्ये कोट्यवधी रुपये सापडले आहेत. पाच कोटींहून अधिक रक्कम असल्याची माहिती मिळत आहे.

सोन्याच्या भावात 15 दिवसांत मोठी घसरण झाल्याचे पाहायला मिळत आहे. सोन्याच्या भावात 5 हजार 500 रुपयांची तर चांदीच्या भावात 10 हजार रुपयांची घसरण झाली आहे.

खेड विधानसभा मतदारसंघात उध्दव ठाकरेंची जाहीर सभा आहे. उमेदवार बाबाजी काळे यांच्या प्रचारासाठी उद्धव ठाकरे सभा घेणार आहेत.

शरद पवार आज कर्जत दौऱ्यावर आहेत. रोहित पवारांच्या प्रचारासाठी शरद पवारांची सभा होणार असून सकाळी 10 वाजता कर्जतमध्ये जाहीर सभेचं आयोजन करण्यात आले आहे.

बारामतीत आज दोन सांगता सभा पार पडणार आहेत. दोन्ही पवारांच्या सभेकडे महाराष्ट्राचं लक्ष लागले असून सभेत कोणता मुद्दा गाजणार हे पाहणं महत्त्वाचं ठरेल.

राहुल गांधींची आज मुंबईत पत्रकार परिषद आहे. सॉफिटेल हॉटेलमध्ये सकाळी 11 वाजता पत्रकार परिषद होणार असून पत्रकार परिषदेत उद्धव ठाकरेंसह मविआचे मोठे नेते उपस्थित राहणार.

बेलापूर मतदारसंघाच्या महायुतीच्या उमेदवार आमदार मंदा म्हात्रे यांच्या प्रचाराकरता भाजपचे राष्ट्रीय अध्यक्ष जे पी नड्डा यांची जाहीर सभा नवी मुंबईमध्ये आयोजित करण्यात आली आहे

राज्यात प्रचाराच्या तोफा आज संध्याकाळी 5 वाजता थंडावणार आहेत. प्रचारतोफा थंडावल्यानंतर छुप्या प्राचारावर निवडणूक आयोगाची करडी नजर असणार असून विधानसभेच्या सर्व 288 जागांसाठी 20 तारखेला एकाच टप्प्यात मतदान होणार आहे.