मनोज जरांगे पाटील आज येवला दौऱ्यावर आहेत. येवला तालुक्यातील गावांना ते भेट देणार असून येवल्यात मराठा समाजाची बैठक घेणार असल्याची माहिती मिळत आहे.
गुजरातच्या पोरबंदर किनाऱ्यावर 700 किलो ड्रग्ज जप्त करण्यात आले आहे. NCB आणि नौदलाने मोठी कारवाई केली असून इराणच्या 8 नागरिकांना अटक करण्यात आली आहे.
रविवारी रेल्वेच्या तिन्ही मार्गांवर मेगाब्लॉक घेण्यात येणार आहे. तांत्रिक कामे करण्यासाठी ब्लॉक घेण्यात येणार आहे.
नागपूर विमानतळावर 1 कोटी 64 लाख रुपयांचे दागिने जप्त करण्यात आले आहेत. दोन जण गुन्हे शाखेच्या ताब्यात असून जप्त केलेले दागिने सराफा व्यापाऱ्यांचे असल्याची माहिती मिळत आहे.
मुख्यमंत्री एकनाथ शिंदे आज कोकण दौऱ्यावर आहेत. सावंतवाडी, दापोली, राजापूरमध्ये मुख्यमंत्री शिंदेंची प्रचारसभा होणार आहे.
राजनाथ सिंह आज महाराष्ट्र दौऱ्यावर येणार आहेत. मुंबईत आज राजनाथ सिंह यांची प्रचारसभा होणार आहे.
उद्धव ठाकरे यांच्या कल्याणमध्ये आज 2 प्रचारसभा आहेत. कल्याण पूर्वमध्ये धनंजय बोराडेंच्या प्रचारासाठी सभा घेणार असून दीपेश म्हात्रेंच्या प्रचारासाठी कल्याण ग्रामिणमध्ये सभा घेणार आहेत.
परिवर्तन महाशक्तीचा जाहीरनामा आज प्रसिद्ध होणार आहे. 'ग्वाही परिवर्तनाची' नावाने जाहीरनामा प्रकाशित होणार असून पत्रकार परिषदेतून हा जाहीरनामा प्रसिद्ध केला जाणार आहे.
पुण्यात दक्षिण भागात आज पाणीपुरवठा बंद राहणार असून जलवाहिनी दुरुस्तीच्या कामासाठी हा पाणीपुरवठा बंद राहणार आहे. नागरिकांना पाणी जपून वापरण्याचे आवाहन करण्यात आले आहे.
उत्तर प्रदेशच्या झाशीमध्ये रुग्णालयाला भीषण आग लागली. नवजात शिशु अतिदक्षता विभागाला भीषण आग लागली असून यात 10 चिमुकल्यांचा मृत्यू झाल्याची माहिती मिळत आहे.
काँग्रेसच्या वरिष्ठ नेत्यांच्या आज महाराष्ट्रात सभांचा धडाका पाहायला मिळत आहे. राहुल गांधी आज चंद्रपूर आणि अमरावती दौऱ्यावर आहेत तर प्रियंका गांधी यांच्या गडचिरोली, कोल्हापूर, अहिल्यानगरमध्ये जाहीर सभा होणार आहे.