Diwali 2023 : दिवाळी हा सण प्रत्येकासाठी खूप खास असतो. या दिवशी प्रत्येकालाच सुंदर दिसण्याची इच्छा असते. महिला त्या दिवशी सुंदर वेशभूषा करून देवी लक्ष्मी आणि गणेशाची पूजा करतात. अशा परिस्थितीत, या दिवशी महिला चेहऱ्यावर सामान्य दिवसांपेक्षा जास्त मेकअप करतात. पण काही वेळा अतिमेकअपमुळे त्वचेला इजा होऊ लागते. मेकअप करताना या गोष्टी लक्षात ठेवा.
जास्त कॉस्मेटीक वापरू नका
मेकअप करताना जास्त सौंदर्यप्रसाधने वापरू नका. जास्त सौंदर्यप्रसाधने वापरून मेकअप केल्याने नैसर्गिक लूक मिळत नाही आणि त्यामुळे त्वचेची छिद्रे ब्लॉक होतात, यामुळे मुरुम आणि पुरळ उठतात आणि चेहऱ्याला हानी पोहोचते.
चेहऱ्याला प्रोटेक्शन द्या
सर्व प्रथम आपला चेहरा पूर्णपणे स्वच्छ करा. त्यानंतर फेस वॉश किंवा चांगल्या कंपनीचे क्लिंजर वापरा. यामुळे त्वचेचे छिद्र बंद होतील आणि घाण निघून जाईल. यानंतर चेहऱ्यावर मॉइश्चरायझर लावा. यामुळे त्वचेला ओलावा मिळेल. यावर हलका मेकअप करा आणि शक्यतो हेवी मेकअप टाळा.
सनस्क्रीन कधीही विसरू नका
जर तुम्ही दिवसा मेकअप केला तर सनस्क्रीन लावायला विसरू नका. जरी तुमच्या फाउंडेशनमध्ये SPF असेल तरीही वेगळे सनस्क्रीन लावणे खूप महत्वाचे आहे. हे तुमच्या त्वचेला सूर्यप्रकाशाच्या हानिकारक प्रभावापासून वाचवेल. चांगला सनस्क्रीन तुमचा मेकअप जास्त काळ टिकून ठेवण्यास देखील मदत करते.
मेकअप रिमूव्ह करा
रात्री झोपण्यापूर्वी मेकअप रिमूव्ह करणे खूप महत्वाचे आहे. असे न केल्यास, मेकअप उत्पादने आणि रसायने त्वचेमध्ये शोषली जातात, ज्यामुळे मुरुम, पुरळ आणि लालसरपणा सारख्या समस्या उद्भवू शकतात. मेकअप रिमूव्हर आणि क्लिन्जरच्या मदतीने मेकअप पूर्णपणे काढून टाकावा. यानंतर, कोमट पाण्याने आणि सौम्य साबणाने चेहरा धुवा. चांगले मॉइश्चरायझर लावल्याने त्वचा मॉइश्चरायझ राहते.