लोकशाही न्यूज नेटवर्क
स्टँडअप कॉमेडिअन कुणाल कामरा नेहमी आपल्या वक्तव्यांमुळे चर्चेत असतो. खासदार संजय राऊत आणि राकेश टिकैत यांच्या भेटीवर भाष्य करणारं टि्वट कुणालनं केलं आहे. सध्या हे टि्वट सोशल मीडियावर व्हायरल होत आहे. राकेश टिकैत यांच्या फोटोखाली ट्रॅक्टर तर संजय राऊतांच्या फोटोखाली बुलडोझरचं चित्र असलेला फोटो कुणालनं टि्वट केला आहे. कुणालनं या फोटोला 'मिले सुर, मेरा तुम्हारा' असं कॅप्शनही दिलं आहे.
शिवसेना नेते संजय राऊत यांनी काल (मंगळवार) गाझीपूर सीमेवर जाऊन आंदोलक शेतकरी आणि शेतकरी नेते राकेश टिकैत यांची भेटली होती. यावेळी राऊत यांनी टिकैत यांच्याशी चर्चाही केली. मुख्यमंत्री उद्धव ठाकरेंच्या सूचनेवरून आपण राकेश टिकैत यांची भेट घेतली असल्याचं यावेळी राऊत यांनी स्पष्ट केलं.
कुणाल कामरा नेहमी आपल्या वक्तव्यांमुळे चर्चेत असतो. काही दिवसांपूर्वी कुणालनं संजय राऊत यांची मुलाखतही घेतली होती. कुणालने आपल्या हटक्या अंदाजात घेतलेली ही मुलाखत जोरदार व्हायरल झाली होती.