इंडियन प्रीमियर लीग (IPL 2021) मधील पाचवा सामना मुंबई इंडियन्स आणि कोलकाता नाईट रायडर्स या संघांमध्ये चेन्नईतल्या एम. ए. चिदंबरम स्टेडियमवर खेळवला जात आहे. या सामन्यात कोलकात्याचा कर्णधार इयॉन मॉर्गनने टॉस जिंकून प्रथम क्षेत्ररक्षण करण्याचा निर्णय घेतला. त्यानंतर पहिल्या डावात फलंदाजी करणाऱ्या मुंबई इंडियन्सचा संघ अवघ्या 152 धावांमध्ये ऑल आऊट झाला आहे. मध्यमगती गोलंदाज आंद्रे रसेलने अवघ्या 2 षटकात 15 धावा देत मुंबईचे पाच फलंदाज बाद केले आहेत.