लोकशाही न्यूज नेटवर्क
आता गॅस संपल्यानंतर त्रस्त होण्याची गरज नाही. फक्त एक मिसकाॅल देऊन गॅस बुक करता येणार आहे. इण्डेन गॅसने आपल्या ग्राहकांच्या सुविधेसाठी मिसकाॅल देऊन गॅस बुक करण्याची सुविधा सुरू केली आहे. ही सेवा 1 फेब्रुवारीपासून सुरू झाली आहे.
मिस काॅल देऊन गॅस बुक करण्याबरोबरच आता मिस काॅलने नवीन कनेक्शन देखील मिळणार आहे. इण्डेन गॅसच्या या सुविधेचा लाभ घेण्यासाठी तुम्हाला तुमच्या रजिस्टर मोबाईल नंबरचाच वापर करावा लागणार आहे.
देशातील कोणत्याही भागातील ग्राहक या सुविधेचा लाभ घेऊ शकणार आहेत. 8454955555 हा नंबर इण्डेन गॅसने जारी केला आहे. हा नंबर लगेच तुमच्या मोबाईलमध्ये सेव्ह करून घ्या. या सुविधेमुळे आता ग्राहकांना खुप वेळ काॅल होल्डवर राहण्याची आवश्यकता नाही. घरातील लहान व वृद्ध व्यक्तिंना याचा मोठ्या प्रमाणात फायदा होणार आहे.