अभिनेते व नेते शत्रुघ्न सिन्हा यांची लाडकी लेक सोनाक्षी सिन्हा हिचा आज वाढदिवस. आज सोना तिचा 34 वा वाढदिवस साजरा करतेय. एकीकडे चाहते तिच्यावर शुभेच्छांचा वर्षाव करत आहेत. दुसरीकडे अनेक युजर्स आज वाढदिवशीच सोनाक्षीला ट्रोल करताना दिसत आहेत. ट्विटरवर सोनाक्षीवरचे अनेक विनोदी मीम्स, जोक्स व्हायरल होत आहेत. वाढदिवसाच्या निमित्ताने सोनाक्षीवर चाहत्यांनी शुभेच्छांचा वर्षाव सुरू केला. त्यामुळे अनेकांनी सोनाक्षीला यावरून ट्रोल करण्याचाही प्रयत्न केला आहे.

नेटक-यांना सोनाक्षीचं टॉप ट्रेण्डमध्ये झळकणे आवडले नाही. मग काय, या नेटक-यांनी सोनाक्षी वरचे मीम्स शेअर करण्याचा सपाटा लावला. ट्विटरवर टॉप ट्रेण्डमध्ये आल्यानंतर काही वेळेतच सोनाक्षीचे अनेक विदोनी मीम्स सोशल मीडियावर व्हायरल होवू लागले. सोनाक्षी सिन्हा टॉप ट्रेण्डमध्ये येण्यास पात्र नसल्याचे म्हणत अनेकांनी मीम्स शेअर केलेत.