अभिनेत्री रश्मिका मंदान्ना सध्या तिच्या आगामी ‘अ‍ॅनिमल’ चित्रपटामुळे चर्चेत आहे. यातच 'द गर्लफ्रेंड' या चित्रपटामधील रश्मिकाचा फर्स्ट लूक रिलीज करण्यात आला आहे. ज्याची घोषणा खुद्द अभिनेत्रीने केली आहे. द गर्लफ्रेंड' हा चित्रपट लवकरच प्रेक्षकांच्या भेटीस येणार आहे. ज्याची घोषणा खुद्द अभिनेत्रीने केली आहे. या चित्रपटामध्ये ती एका वेगळ्या अंदाजात दिसणार आहे. राहुल रवींद्रन दिग्दर्शित हा चित्रपट प्रेम कहाणीवर आधारित असणार आहे.
रश्मिकानं नुकताच एक खास व्हिडीओ सोशल मीडियावर शेअर केला आहे. या व्हिडीओमध्ये रश्मिकाचा 'द गर्लफ्रेंड' या चित्रपटामधील लूक दिसत आहे. व्हिडीओमध्ये रश्मिका ही पाण्याच्या आत दिसत आहे. व्हिडीओच्या सुरुवातीला ती स्माईल करताना दिसत आहे तर व्हिडीओच्या शेवटी रश्मिकाच्या चेहऱ्यावर गंभीर हावभाव दिसत आहेत. रश्मिकानं 'द गर्लफ्रेंड' या चित्रपटाचा खास व्हिडीओ शेअर करुन कॅप्शनमध्ये लिहिलं, "जग महान प्रेम कथांनी भरलेले आहे. पण अशा काही प्रेमकथा आहेत ज्या यापूर्वी कधीही ऐकल्या नाहीत किंवा पाहिल्या नाहीत आणि ‘द गर्लफ्रेंड’ ही अशीच एक आहे."
'द गर्लफ्रेंड' व्यतिरिक्त अभिनेत्री रश्मिका मंदान्ना लवकरच रणबीर कपूर स्टारर 'अ‍ॅनिमल' चित्रपटात दिसणार आहे. याशिवाय अभिनेत्रीच्या हातात सुपरस्टार अल्लू अर्जुनचा 'पुष्पा 2' चित्रपट आहे. टायगर श्रॉफसोबत 'स्क्रू धीला' या चित्रपटातही ही अभिनेत्री दिसणार आहे.