बॉलिवूड अभिनेत्री राखी सावंतला आता आणखी एक झटका बसला आहे. शर्लिन चोप्राच्या तक्रारीनंतर मुंबई पोलिसांनी राखी सावंतला अटक केली आहे.

आंबोली पोलिसांनी अभिनेत्री राखी सावंतला एका प्रकरणात चौकशीसाठी आंबोली पोलीस ठाण्यात आणले आहे. स्टारलेट शर्लिन चोप्राच्या तक्रारीवरून नोव्हेंबर 2022 मध्ये माहिती तंत्रज्ञान कायद्यांतर्गत तिच्याविरुद्ध गुन्हा दाखल करण्यात आला होता. पोलिसांकडून वारंवार प्रयत्न करूनही ती येत नव्हती. त्यामुळे आज पोलीस पथकाने तिला ताब्यात घेऊन पोलीस ठाण्यात आणले असून या प्रकरणाचा तपास सुरू आहे.