बॉलिवूड अभिनेत्री कंगना राणौत(Kangana Ranaut) काही ना काही विषयांवर सतत चर्चेत असते. कंगना सध्या तिच्या 'धाकड' या चित्रपटाच्या प्रमोशनमध्ये व्यस्त आहे. कंगणाचा 'धाकड' हा चित्रपट 20 मे रोजी चित्रपट गृहात प्रदर्शित होणार आहे. दरम्यान कंगनाने बॉलिवूड अभिनेता अजय देवगण आणि अक्षय कुमार यांच्यावर नाराजी व्यक्त केली आहे.

नुकत्याच झालेल्या एका मुलाखतीत चित्रपटाच्या प्रमोशनदरम्यान कंगनाला विचारण्यात आलं होतं की इंडस्ट्रीतील प्रत्येकजण एकमेकांना खरोखर सपोर्ट करतो का? यावर कंगनाचे उत्तर हे आश्चर्यचकित करणारेच होते. अजय देवगण (अजय देवगण) यांच नाव घेत कंगना म्हणाली की अजय देवगण हे माझ्या चित्रपटाचे प्रमोशन कधीच करणार नाहीत. ते इतर चित्रपटांचे प्रमोशन करतील पण माझ्या चित्रपटाचं करणार नाहीत. याचबरोबर अक्षय कुमार यांच्याबद्दल बोलताना कंगना म्हणाली की, "अक्षय कुमारने मला फोन केला आणि शांतपणे सांगितले की, मला तुझा 'थलायवी' चित्रपट खूप आवडला. त्यांना माझा चित्रपट आवडला परंतु त्यांनी माझ्या चित्रपटाचा ट्रेलर मात्र ट्विट केला नाही असं देखील तिने सांगितलं.