RRR चित्रपटाने घडवला इतिहास घडवला आहे. नाटू नाटू गाण्याला ऑस्कर पुरस्कार मिळाला आहे. नाटू नाटू गाण्याला बेस्ट ओरिजनल साँगचा पुरस्कार मिळाला आहे. चित्रपटसृष्टीतील मानाचा समजला जाणारा पुरस्कार म्हणून ऑस्कर ओळखला जातो. नाटू नाटूला ऑस्कर मिळणार का याकडे सगळ्यांच लक्ष लागले होते.
याच्या आधी ए आर रहमान यांच्या जय हो या गाण्याला सर्वोत्कृष्ट संगीतासाठीचा पुरस्कार मिळाला होता. आता तब्बल 14 वर्षांनी भारताला हा ऑस्कर पुरस्कार मिळाला आहे. त्यामुळे सर्व भारतीय चित्रपटसृष्टीसाठी ही अभिमानाची गोष्ट आहे.
आरआरआरला ऑस्कर मिळताच आता देशभरातील चाहत्यांकडून त्यांच्यावर अभिनंदनचा वर्षाव होत आहे. एम. एम. किरवाणी यांनी हे गाणं संगीतबद्ध केलं. तर कालभैरव आणि राहुल सिप्लीगुंज यांनी हे गाणं गायलं आहे. चंद्रबोस यांनी हे गाणं लिहिलं आहे.