अभिनेत्री रश्मिका मंदाना (Rashmika Mandanna) तिच्या हटके स्टाईलमुळे नेहमीच चर्चेत असते. तिने सोशल मीडियावर शेअर केलेले फोटो असो किंवा व्हिडीओ व्हायरल होत असतात. तसेच तिच्या पोस्टला लाखो लाईक्स आणि कमेंट्सचा वर्षाव होत असतो. नुकताच रश्मिकाचा एक व्हिडीओ सोशल मीडियावर व्हायरल होत आहे. यात तिने केलेल्या कृतीचे चाहते कौतुक करत आहेत.

नुकतीच रश्मिका मंदाना चेन्नई येथे ‘वारिसू’ या चित्रपटाच्या ऑडिओ लॉन्च कार्यक्रमाला गेली होती. कार्यक्रम संपल्यानंतर, रश्मिका तिच्या गाडीतून हॉटेलकडे परत जात होती. हॉटेलकडे परत जात असताना तिचे चाहते तिच्या गाडीचा बाइकवरून पाठलाग करत होते. तेवढ्यात रश्मिकाने अचानक गाडी थांबवली आणि गाडीची काच खाली करून चाहत्यांना ताबडतोब हेल्मेट घालण्याचा सल्ला दिला.  

रश्मिका ‘गुडबाय’ चित्रपटानंतर ‘मिशन मजनू’ या चित्रपटात झळकणार आहे. या चित्रपटामध्ये रश्मिकाबरोबर सिद्धार्थ मल्होत्रासोबत दिसणार आहे.