बॉलिवूड अभिनेता अजय देवगणचा ‘दृश्यम २’ हा सिनेमा रिलीजच्या पहिल्या दिवसापासून बॉक्स ऑफिसवर धमाकुळ घालत आहे. २०१४ मध्ये ‘दृश्यम’ सिनेमाचा पहिला भाग प्रदर्शित झाला होता. पहिल्या भागालाही प्रेक्षकांची चांगली पसंती मिळाली होती. आता ‘दृश्यम २’ या सिनेमालाही प्रेक्षकांचा चांगलाच प्रतिसाद मिळताना दिसत आहे. आता हा सिनेमा रिलीजच्या पहिल्याच आठवड्यात १०० कोटी आकडा गाठताना दिसत आहे.

‘दृश्यम २’ या सिनेमाने सोमवारी १० कोटींची कमाई केली आहे. तर या सिनेमाने मंगळवारी 11 कोटींची कमाई केली आहे. आतापर्यंत या सिनेमाने ८७.०१ कोटींचा गल्ला जमवला आहे. तर लवकरच हा सिनेमा 100 कोटींचा आकडा पार करताना दिसत आहे.

‘दृश्यम २’ चित्रपटामध्ये मुख्य भुमिकेत अजय देवगण, तब्बू, अक्षय खन्ना, श्रीया सरन, इशिता दत्ता आणि मराठमोळा अभिनेता सिद्धार्थ बोडके दिसत आहेत.