महाविद्यालयातील विद्यार्थ्यांमध्ये आपापसात वाद होणं ही फार मोठी गोष्ट नाही परंतू, मुंबईतील कांदिवली येथील एका महाविद्यालयात 10-12 विद्यार्थ्यांनी एका विद्यार्थ्याला बेदम मारल्याचं वृत्त समोर येतंय. तसा व्हीडिओही CCTV कॅमेऱ्यामध्ये कैद झाला आहे.

मुंबईतील कांदिवली येथे एका विद्यार्थ्याला 10 ते 12 विद्यार्थ्यांनी एकत्र येऊन मारहाण केल्याचा व्हिडिओ व्हायरल झाला आहे. हा व्हिडिओ कांदिवली पश्चिम येथील एका महाविद्यालयाजवळील आहे. ज्यामध्ये काही विद्यार्थी मिळून एका विद्यार्थ्याला मारहाण करताना दिसत आहेत. 10 मार्चला ही घटना घडली असून, मारहाणीची घटना सीसीटीव्हीमध्ये कैद झाली आहे. या प्रकरणी एफआयआर नोंदवून दोन मुलांना अटक करण्यात आली आहे. ह्या मारहाणीमागचं नेमकं कारण अजूनही अस्पष्ट आहे. मात्र, पोलीस त्या कारणाचा शोध घेत आहेत.