Mumbai : हेल्मेट सक्तीची कारवाई धडाक्यात, 6 हजार जणांवर दंड
मुंबई वाहतूक पोलिसांनी गुरुवार, ९ जूनपासून शहरात हेल्मेट नसलेल्या दुचाकीस्वारांवर कडक कारवाई करण्यात येणार असल्याचे जाहीर केले होते.
चालकासह दुचाकीस्वारांना हेल्मेट सक्तीच्या (Helmet compulsory) आदेशाचा पाठपुरावा म्हणून हे पाऊल उचलण्यात आले आहे.
पोलिस उपायुक्त (वाहतूक) राजतिलक रोशन (Rajtilk Roshan) यांनी दिलेल्या माहितीनुसार, मुंबईतील हेल्मेट नसणाऱ्या दुचाकीस्वारांवर कडक कारवाई करण्यासाठी सुमारे ५० वाहतूक पोलिस चौक्या सतर्क राहतील.
ज्या दुचाकीस्वारांना परडण्यात येईल त्यांचा परवाना ३ महिन्यांसाठी निलंबित करण्यात येईल, तसेच त्यांना ५०० रुपये दंड भरावा लागेल.
दरम्यान, कालपासून मुंबई वाहतूक पोलिसांनी (Traffic Police) या आदेशाची अंमलबजावणी करण्यास सुरुवात केली आहे.
काल पहिल्याच दिवशी ६२७१ जणांवर कारवाई करण्यात आल्याची माहिती मुंबई वाहतूक पोलिसांनी आपल्या ट्विटर पोस्टच्या माध्यमातून दिली आहे.
यामध्ये २३३४ दुचाकी चालक, ३४२१ पिलियन रायडर्स, ५१६ दोन्ही दुचाकीस्वार (Bike Riders) असे मिळून एकूण ६२७१ जणांवर कारवाई करण्यात आली आहे.
या अधिसूचनेत म्हटले आहे की, हेल्मेटशिवाय वाहन चालवताना आढळल्यास ५०० रुपये दंड भरावा लागेल किंवा ३ महिन्यांसाठी वाहन परवाना निलंबित करण्यात येईल.
