नवनीत राणा दर्यापूरमधून निवडणूक लढण्यासाठी इच्छुक? 'तुम्ही हाक द्या, मी साथ देईन' अशा आशयाचे झळकले पोस्टर्स

सूरज दहाट, अमरावती

निवडणुकांचे बिगुल वाजलं आहे.20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. निवडणूक आयोगाने पत्रकार परिषद घेत निवडणुकांच्या तारखा जाहीर केल्या असून विधानसभा निवडणुकीसाठी सर्व राजकीय पक्ष जोरदार तयारीला लागले आहेत.

याच पार्श्वभूमीवर आता नवनीत राणा दर्यापूरमधून निवडणूक लढण्यासाठी इच्छुक असल्याची चर्चा रंगली आहे. 'तुम्ही हाक द्या, मी साथ देईन' अशा आशयाचे पोस्टर्स झळकल्याचे पाहायला मिळत आहे. त्यामुळे आता पुन्हा अडसूळ विरुद्ध राणा वाद उफाळून येण्याची शक्यता वर्तवण्यात येत आहे.

या पोस्टरवर दर्यापूर विधासभा क्षेत्रात आपण मला मतदान केल्याबद्दल आपले आभार. मी सदैव आपली ऋणी राहणार व असेच आपले आशीर्वाद माझ्या पाठिशी राहू द्या. याच आशीर्वादामुळे मला नेहमी आपली सेवा करण्याची शक्ती मिळते. मला पूर्ण जिल्ह्याचा विकास करायचा आहे. तुम्ही हाक द्या, मी साथ देईल असे या पोस्टरवर लिहिण्यात आले आहे.