उद्धव ठाकरे यांचा नाना पटोले यांना फोन; कारण काय?

थोडक्यात

• उद्धव ठाकरे यांचा काँग्रेस प्रदेशाध्यक्ष नाना पटोले यांना फोन

• सत्ता स्थापनेचा दावा करण्याच्या संदर्भात चर्चा करण्यासाठी फोन केल्याची माहिती

• आज मुंबईत महाविकास आघाडीच्या तीनही पक्षाच्या प्रमुख नेत्यांची बैठक

विधानसभा निवडणुकीसाठी मतदान पार पडलं असून उद्या 23 नोव्हेंबरला मतमोजणी होऊन निकाल लागणार आहे. या निकालाकडे सर्वांचे लक्ष लागले असून कोणाचं सरकार सत्तेत येणार, याकडे सर्वांचे लक्ष लागले आहे.

यातच आज सायंकाळी मुंबईत महाविकास आघाडीच्या तीनही पक्षाच्या प्रमुख नेत्यांच्या उपस्थितीत बैठक पार पडणार आहे. निकालानंतर आमदारांना सुरक्षित स्थळी ठेवण्यासंदर्भातही या बैठकीत चर्चा होणार असल्याची माहिती मिळत आहे.

याच पार्श्वभूमीवर उद्धव ठाकरे यांनी काँग्रेस प्रदेशाध्यक्ष नाना पटोले यांना फोन केला असल्याची माहिती मिळत आहे. सत्ता स्थापनेचा दावा करण्याच्या संदर्भात चर्चा करण्यासाठी उद्धव ठाकरेंनी नाना पटोलेंना फोन केला असल्याची माहिती मिळत आहे.