शिवसेना उद्धव बाळासाहेब ठाकरे पक्षाचा वचननामा आज जाहीर होणार

थोडक्यात

• शिवसेना उद्धव बाळासाहेब ठाकरे पक्षाचा वचननामा आज जाहीर होणार

• उद्धव ठाकरेंच्या उपस्थितीत होणार वचननाम्याचे अनावरण

• सकाळी 10 वाजता मातोश्रीवर वचननाम्याचे प्रकाशन होणार

निवडणुकांचे बिगुल वाजलं आहे. विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राजकीय पक्ष अनेक बैठका, पत्रकार परिषद घेत आहेत. निवडणूक आयोगाने पत्रकार परिषद घेत निवडणुकांच्या तारखा जाहीर केल्या.

20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. याच पार्श्वभूमीवर आज शिवसेना उद्धव बाळासाहेब ठाकरे पक्षाचा वचननामा जाहीर करण्यात येणार आहे. आज मातोश्री येथे उद्धव ठाकरे यांच्या उपस्थितीत वचननाम्याचे अनावरण होणार आहे.

सकाळी 10 वाजता मातोश्री येथे वचननाम्याचे प्रकाशन केले जाणार असून महिला , शेतकरी, युवा, रोजगार निर्मिती, उद्योग आणि आरोग्य क्षेत्र याबाबत मोठ्या घोषणा होण्याची शक्यता वर्तवण्यात येत आहे.