युगेंद्र पवार यांच्या प्रचारासाठी शरद पवार मैदानात; 'या' ठिकाणी घेणार सभा

थोडक्यात

• युगेंद्र पवार यांच्या प्रचारासाठी शरद पवार मैदानात

• बारामती विधानसभा मतदारसंघात अजित पवार विरुद्ध युगेंद्र पवार अशी लढत होणार

• शरद पवार घेणार जाहीर सभा

अमोल धर्माधिकारी, पुणे

निवडणुकांचे बिगुल वाजलं आहे. निवडणूक आयोगाने पत्रकार परिषद घेत निवडणुकांच्या तारखा जाहीर केल्या आहेत. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत.

विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राजकीय पक्ष अनेक बैठका, पत्रकार परिषद, सभा घेत आहेत. याच पार्श्वभूमीवर बारामती विधानसभा मतदारसंघांमध्ये अजित पवार विरुद्ध युगेंद्र पवार अशी लढत होणार आहे. या लढतीकडे सर्वांचे लक्ष लागले आहे.

युगेंद्र पवार यांच्या प्रचारासाठी स्वतः शरद पवार मैदानात उतरले असल्याचे पाहायला मिळत असून आज शरद पवार यांची शिरसुफळ सुपा, मोरगाव, सोमेश्वर या ठिकाणी जाहीर सभा घेणार असून संध्याकाळी बारामतीत व्यापारी मेळावा, डॉ मेळावा आणि वकील मेळावा शरद पवार घेणार आहेत.