पंतप्रधान नरेंद्र मोदी आणि उद्धव ठाकरे यांची एकाच दिवशी छत्रपती संभाजीनगरमध्ये सभा

विधानसभा निवडणुकांच्या तारखा जाहीर झाल्या आहेत. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. विधानसभा निवडणुकीसाठी सर्व राजकीय पक्ष जोरदार तयारीला लागले आहेत.

राजकीय पक्ष अनेक बैठका, पत्रकार परिषद, सभा घेत आहेत. याच पार्श्वभूमीवर आता पंतप्रधान नरेंद्र मोदी आणि उद्धव ठाकरे यांची एकाच दिवशी छत्रपती संभाजीनगरमध्ये सभा होणार असल्याची माहिती मिळत आहे.

14 नोव्हेंबर रोजी पंतप्रधान नरेंद्र मोदी यांची अकरा वाजता सभा होणार आहे तर उद्धव ठाकरे यांच्या सभेचं सात वाजता आयोजन करण्यात आलं आहे. विधानसभा निवडणुकीच्या पार्श्वभूमीवर दोन्ही नेते एकाच दिवशी छत्रपती संभाजीनगरमध्ये असणार आहेत.

दोन्ही नेते एकाच दिवशी छत्रपती संभाजीनगरमध्ये सभा घेत असल्याने राजकीय घडामोडींना मोठा वेग आल्याचे पाहायला मिळत आहे.