सना मलिक आणि नवाब मलिक यांच्या प्रचारासाठी आता अजित पवार मैदानात उतरणार

थोडक्यात

• नवाब मलिकांच्या प्रचारासाठी अजित पवार मैदानात

• सायंकाळी 4 वाजता प्रचार सभेचं आयोजन

• अजित पवार स्वतः नवाब मलिक आणि सना मलिक यांच्या प्रचारासाठी उपस्थित राहणार

विधानसभा निवडणुकीसाठी सर्व राजकीय पक्ष जोरदार तयारीला लागले आहेत. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत.

राजकीय पक्ष अनेक बैठका, पत्रकार परिषद घेत आहेत. याच पार्श्वभूमीवर आता राष्ट्रवादी काँग्रेस पक्षाचे अणुशक्तीनगर आणि शिवाजीनगर मानखुर्दचे उमेदवार सना मलिक आणि नवाब मलिक यांच्या प्रचारासाठी अजित पवार मैदानात उतरणार असल्याची माहिती मिळत आहे.

अजित पवार यांच्या प्रमुख उपस्थितीत आज अणुशक्तीनगर विधानसभा मतदारसंघात सायंकाळी 4 वाजता टाटा नगर, पाचनळ, गोवंडी येथे भव्य पदयात्रेचे आयोजन करण्यात आले असून भाजप कडून नवाब मलिक यांना विरोध केला जात आहे मात्र आता अजित पवार आज स्वतः नवाब मलिक आणि सना मलिक यांच्या प्रचारासाठी उपस्थित राहणार आहेत.