वरळी विधानसभेत आदित्य ठाकरे विरुद्ध शायना एनसी? भाजपच्या शायना एन सी शिवसेनेच्या धनुष्यबाण चिन्हावर निवडणूक लढवण्याची शक्यता

निवडणुकांचे बिगुल वाजलं आहे. विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राजकीय पक्ष अनेक बैठका, पत्रकार परिषद घेत आहेत. निवडणूक आयोगाने पत्रकार परिषद घेत निवडणुकांच्या तारखा जाहीर केल्या.

20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. यातच आता वरळी विधानसभा मतदारसंघातून मोठी बातमी समोर येत आहे. भाजपच्या शायना एन सी शिवसेनेच्या धनुष्यबाण चिन्हावर निवडणूक लढवणार असल्याची माहिती मिळत आहे.

वरळी विधानसभेत आदित्य ठाकरे विरुद्ध शायना एनसी असा सामना पाहायला मिळणार असल्याच्या चर्चा सुरु आहेत. वरळी विधानसभा मतदारसंघात मशाल विरुद्ध धनुष्यबाण अशीच लढत करण्याची महायुतीची रणनीती असल्याची माहिती मिळत आहे. त्यामुळे् आता ही निवडणूक कोण जिंकणार? हे पाहणं महत्वाचे ठरणार आहे.