नांदेडमध्ये भाजपला मोठा धक्का; माजी खासदार प्रताप पाटील चिखलीकर राष्ट्रवादीत प्रवेश करणार

विधानसभा निवडणुकीच्या पार्श्वभूमीवर अनेक राजकीय पक्ष तयारीला लागले आहेत. अनेक बैठका होत आहेत. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत. राजकीय वर्तुळात अनेक घडामोडी घडत आहेत.

याच पार्श्वभूमीवर नांदेडमध्ये भाजपला मोठा धक्का बसला आहे. माजी खासदार प्रताप पाटील चिखलीकर राष्ट्रवादीत प्रवेश करणार आहेत. आज सकाळी 8 वाजता राष्ट्रवादी काँग्रेसमध्ये ते प्रवेश करणार आहेत.

मुंबईत अजित पवार यांच्या उपस्थितीत ते पक्षप्रवेश करणार असून प्रताप पाटील चिखलीकर यांना राष्ट्रवादीकडून उमेदवारी मिळणार असल्याची माहिती मिळत आहे. प्रताप पाटील चिखलीकर यांच्या पक्षप्रवेशामुळे नांदेडमध्ये राष्ट्रवादीची ताकद वाढणार आहे.