कुडाळ-मालवण विधानसभा मतदारसंघामधून वैभव नाईक यांना पुन्हा उमेदवारी? म्हणाले...

विधानसभा निवडणुकांचे बिगुल वाजलं आहे. विधानसभा निवडणुकीसाठी सर्वज राजकीय पक्ष तयारीला लागले आहे. याच पार्श्वभूमीवर आता कुडाळ-मालवण विधानसभा मतदारसंघामधून ठाकरे शिवसेनेचे विद्यमान आमदार वैभव नाईक यांना पुन्हा उमेदवारी मिळणार अशी माहिती मिळत आहे.

यावर प्रतिक्रिया देताना वैभन नाईक म्हणाले की, महाविकास आघाडीची यादी अजून जाहीर झाली नाही आहे. जागावाटपाची चर्चा सुरु आहे. लवकरच पक्षप्रमुख उद्धवजी ठाकरे आमची उमेदवारी जाहीर करतील.

गेल्या अडीच वर्षामध्ये आम्ही ज्यापद्धतीने उद्धवजींच्या पाठिशी राहिलो किंवा उद्धवजी आमच्या पाठिशी राहिले. आम्हाला मतदारसंघामध्ये काम करायला सांगितले आहे.

यासोबतच ते म्हणाले की, महाविकास आघाडीचे जागावाटप झाल्यानंतर शिवसेनेची उमेदवारी जाहीर होईल. आम्ही निश्चितपणे तिसऱ्यांदा या मतदारसंघामध्ये जिंकून येऊ असा आम्हाला ठाम विश्वास आहे. असे वैभव नाईक म्हणाले.