काँग्रेसच्या स्टार प्रचारकांच्या आज महाराष्ट्रात सभा

थोडक्यात

• कॉंग्रेसच्या स्टार प्रचारकांची आज महाराष्ट्रात एन्ट्री

• मल्लिकार्जुन खर्गे, सचिन पायलट आणि इम्रान प्रतापगढींच्या सभा

• तेलंगणाचे मुख्यमंत्री रेवंथ रेड्डी यांचाही महाराष्ट्र दौरा

विधानसभा निवडणुकीसाठी सर्व राजकीय पक्ष जोरदार तयारीला लागले आहेत. राजकीय पक्ष अनेक बैठका, पत्रकार परिषद घेत आहेत. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत.

याच पार्श्वभूमीवर काँग्रेसच्या स्टार प्रचारकांची आज महाराष्ट्रात एन्ट्री होणार आहे. मल्लिकार्जुन खर्गे, सचिन पायलट आणि इम्रान प्रतापगढींच्या आज सभा होणार आहेत. तेलंगणाचे मुख्यमंत्री रेवंथ रेड्डी यांचा ही महाराष्ट्र दौरा आहे. रेवंथ रेड्डी आदित्य ठाकरेंच्या प्रचारासाठी वरळीत रोड शो करणार आहेत.

यासोबतच मलिकार्जुन खर्गे यांच्या लातुरमध्ये दोन जाहीर सभा होणार असून वर्ध्याच्या पुलगावात सचिन पायलट यांची जाहीर सभा आहे. यासोबतच पुण्यात इम्रान प्रतापगढी यांच्या पाच सभा होणार आहेत.